كلمات أغنية مصطفى شوقي يا ملطشة القلوب يا جلاب المصايب كاملة بالفيديو 2019، كلمات أغنية ملطشة القلوب 2019 مكتوبة بالكامل من كلمات صابر كمال وألحان بلال سرور وتوزيع رامي سمير.
كلمات أغنية ملطشة القلوب 2019
على فين العزم إن شاالله .. وإيه اللي قطعلك نومة
ده لولاش الستر من الله .. مكانتش قامت لك قومة
لسة لك عين تدوب .. مانتاش عايز تتوب
ده البر ماهوش أمان
والعشق مالوش ضمان
ده رهان على حدف طوب
ونشانك سهمه خايب يا ملطشة القلوب .. يا جلاب المصايب
هتقولي ايه هُس يجيك أوا
دخلك منين سرسوب الهوى
هتروح يومين وتجيلي جريح
تقولي دبَّر حق الدوا
دواك فضّى الجيوب .. وخلى الناس تعايب
يا ملطشة القلوب .. يا جلاب المصايب
مش كنا قولنا مفيش من كذا
فُتنا الغرام ونصبنا العزا
رجعت تاني ف عهدك ليه
هي القلوب كييفة أذى
ده الكدب أبو العيوب .. يا مُهر وحبله سايب
يا ملطشة القلوب .. يا جلاب المصايب
لسة لك عين تدوب .. مانتاش عايز تتوب
ده البر ماهوش أمان
والعشق مالوش ضمان ده رهان على حدف طوب
ونشانك سهمه خايب
يا ملطشة القلوب .. يا جلاب المصايب
